Narodil nam se kralj nebeski


Badnja je noć. Deca vu sobe kak angeljeki spiju. Žaruljice na boru bleščiju i se je nekak drugač, veselješe. Gledim čez prozor. Snjeg je zabeljil brege, a zvezdice na nebu bleščiju još ljepše od seh kupljenih žaruljic i ukrase na boru. Mislima vrnula sam se h djetinjstvo, vu bakinu hižu.
Vidim baku kak cijeli dan peče kolače i rihta da bi na Božić bil bolji obed. Tuj ima gibenice, štruklje, kejkakvih keksi ni na purananesmeme pozabiti. Dedek je cijeli dan pri živine i zdej nekam drva nosi. Baš idem videti kam. Im te on ide h peč zakuriti, znači i kruhek se bu pekel. Dok babica i dedek hasniju i mi deca imame pune ruke posla.
Dobili sme zadatak da napravime ukrase za bor. Orehe oblačimo u kej kakve papereke, s papera delame rožice, lanceke, pahuljice kej da sme pravi pravcati umjetniki. Po kuhinji su se preširili mirisi, te je znak da bu babica s kuhanjem skoro gotova. I vani se je počela spuštati kmica. Živina se pobira spat, svinje i krave su podvorene i dedek se polahke vu hižu odpravlja. Joj, im je skore pozabil slamu zeti. Si posli su zgotovljeni i moremo početi kitit bor. Po hiže je zazvonil gromki dedekov glas, a i mi deca kej slavuji popevljeme „ Narodil nam se kralj nebeski“. Gda sme nakitili bor začelji sme slagati jaslice. Eh, te vam je male vekši problem. Isusek kak god da je malički, navek nam nekam zgine.
Iskali sme ga kej kut, a on je opal h košaru i tam si je na slamice h miru zaspal. Bor je nakičeni, jaslice složene i Isuseka sme našli još same treba slamu pod stol deti. Dedek nam objašnjava: „Deca te vam se dela zate da bi vam druge ljete bile plodne i blagoslovljene!“
Vu tem sem veselju vrijeme nam je tak brze prešle i babica nam je čiste rubače donesla. „Deca k polnočke treba iti!“ – vesele velji.
Zišli sme van i gacame po bijelem snjegu, a za sakega brega pesma se čuje. Ne same pri hiže nek i h cirkve bu lijepe i vsele.
Dok nas nije bile, Isusek je pod bor dare donesel. Tuj ima repic jabuk, orehe, a i nove šale i kape sme dobili. Jadni Isusek, im je cijele ljetedelati moral dok je On se te zaštrikal.
Tak veselji i zmučeni večeralji sme i pobrali se spat.
Polahke sam se vrnula h adašnjost, i mislim kak je se denes nekak moderneše, lakše i bržje. No jene je ostale iste. I denes se za Božić se nekak uspori, se je veselješe i vu zraku se osjeća mir, mir ke ga Isus nosi.